Zer baldintza bete behar ditut Rafaela María Zentroan sartu ahal izateko?

Zentroa ezagutzeko, noiznahi jar zaitezke gurekin harremanetan. Zentrora sartzeko egunean, beharrezkoa da: 18 urte beteak izatea. % 33tik gorako desgaitasun aitortua izatea. Bizkaian erroldatuta egotea.

Ez dakizu gure zentroa egokia den zuretzat edo zure senidearentzat? Bisitatu dezaket zentroa erabaki bat hartu aurretik?

Bai, atsegin handiz hartzen ditugu bisitak. Aldez aurretik hitzordua zehaztea besterik ez da behar. Horrela, arreta pertsonalizatua eskainiko dizugu, eta sortzen zaizkizun zalantza guztiak argituko dizkizugu.

Badago jantoki-zerbitzurik?

Bai, menu egokitu eta orekatuak eskaintzen dituen jantoki-zerbitzu bat dugu. Webgune honetako orri honetan kontsultatu ditzakezu menu-motak: Zerbitzu osagarriak > Jantoki-zerbitzua. Elikadura-alergia edo -intolerantziarik izanez gero, kontsultatu iezaguzu. Etxetik ere ekar daiteke janaria.

Garraio egokiturik eskaintzen duzue?

Bai, beharra duten pertsonentzat egokitutako garraio-zerbitzu batekin lan egiten dugu. Bizilekuaren kokapenaren arabera eskaintzen du zerbitzua. Kontsultatu ibilbideak eta plazen erabilgarritasuna.

Jarduerarik egiten da zentrotik kanpo?

Bai, urtean zehar zenbait irteera antolatzen ditugu integrazioa eta garapen soziala sustatzeko. Web-orri honetan kontsultatu dezakezu zer jarduera-mota egiten ditugun: Jarduera osagarriak > Jarduera kulturalak eta jarduera ludikoak.

Zentroa egokituta dago mugikortasun urriko pertsonentzat?

Bai, gure instalazioak erabat egokituta daude: sarbideak, komunak, espazio komunak… Instalazio guztiek betetzen dituzte irisgarritasun-estandarrak.

Dohaintza bat egiten badizuet, horrek pertsona fisikoen errentaren gaineko zerga edo sozietateen gaineko zerga arinduko dit?

Noski. Zerga-arintzearen ziurtagiria lortzeko, dohaintza-emailearen zenbait datu beharko ditugu, hala nola: Izena (pertsona fisikoa)/sozietatearen izena (pertsona juridikoa), posta-helbidea eta IFZa. Horri buruzko informazioa web-orri honetan duzu: Dohaintzak

Kontratatu ditzaket zuen zerbitzuak enpresa gisa?

Noski. Enpresek eta partikularrek kontratatu ditzakete gure zerbitzuak, ezaugarri ditugun kalitate-bermearekin eta gizarte-konpromisoarekin. Zer zerbitzu eskaintzen ditugun ikusteko, egin klik hemen

Nolakoa izan daiteke zentroaren eta enpresen arteko lankidetza?

Enpresek berek nahi dituzten lanak egiteko kontratatu gaitzakete. Baina, horrez gain, gizarte-erantzunkidetasun korporatiboko estrategietan ere lagundu diezaiekegu, honela: Beren langileek GEK jardunaldiak egin ditzakete gure zentroan. Beren instalazioetara bisitak antola ditzakete. Prestakuntza-saioetan parte hartu dezakete. Gizarte- edo ingurumen-ekimenak partekatu ditzakete. Zuen esanetara gaude: bisitatu zentroa, ezagutu gure taldea, eta bertatik bertara ikusi nola egiten dugun lan.

Rafaela Maria Zentroko bideoaren irudia — **Bideoaren azalpena:**
Bideoak Rafaela Maria Zentroko irudiak eta desgaitasuna duten pertsonekin egiten diren jarduerak erakusten ditu.

Desgaitasuna duten pertsonei laguntza eskaintzen diegu

Gizartean eta lan-munduan integratu daitezen, Banakako Laguntza Plan (BLP) baten bidez. Hala, aholkularitza espezializatua ematen diegu, eta familien bidelagun gara programaren fase guztietan.

Haien gaitasunak eta autonomia sustatzen ditugu

Talde espezializatu zabal baten laguntzarekin, aukera izan dezaten bizitza osotasunean bizitzeko eta beren kabuz moldatzeko banakako integrazio-prozesu horren bidez.

Desgaitasuna duen gazte bat irribarrez, mihise bat margotzen ari den bitartean.

Pertsonekin egiten dugu aurrera

Nola bultzatzen dugu haien jarduera?

Kartoizko kaxak manipulatzen ari diren esku batzuen lehen planoa.

Enpresekin lan egiten dugu

Nola hazten gara elkarrekin?

Leku hau lantoki bat baino askoz gehiago da, nire zati bat da, zoriontsu izateko nire modua dela ere esango nuke, naizen guztia ematera bainarama, eta munduaren aurrean beldurrik gabe azaltzen naizela erakustera. Ez dut hobea izan nahi; erakutsi nahi dut muga bat izan arren ni ere urrun irits naitekeela.

Bárbara
Zentroko erabiltzailea

Gure familiarentzat, eta beste batzuentzat ere bai ziurrenik, zentroa gure hirugarren besoa da. Beso horrek aukera ematen digu gure semea gure printzipioen arabera zaintzeko, haren gaitasunak mantentzeko eta handitzeko, haren ongizate pertsonala eta soziala garatzeko eta familiak bizitza normalizatua bizi ahal izateko. Hori guztia zentroari, haren sortze-izaerari eta han lanean fin ari diren profesional-talde bati esker egin dezakegu. Guztiaz arduratzen dira. Ordaindu ezin dugunez, bihotzez eskertzen dugu.

José Luis
Zentroko erabiltzaile baten aita

Jendeak uste du haiei laguntzera joaten garela zentrora eta, berez, alderantziz da.
Erakusten digute zer den adiskidetasuna, ikasteko gogoa, lan egitea eta hobetzea. Erabateko ilusioz egiten dute dena, eta izugarri laguntzen diote elkarri. Maitekorrak, hiztunak eta dibertigarriak dira.
Nahiago nuke mundu guztiak haiekin lan egiteko aukera izango balu; ni zorioneko sentitzen naiz.

Inés
Rafaela Maria zentroko boluntarioa

Kolaboratzaile fidagarria, bere bertsiorik onena lehen mailako industria-enpresa baten esku jartzen duena. Interesez eta eraginkortasunez, arduraz. Eta garrantzitsuenari erreparatzen dio beti: neska-mutil gazteei.

Rafaela Maria zentroa beharrezko kolaboratzaile bat da, erakusten diguna dena posible dela, beste modu bat posible dela.

Rafaela Maria zentroko boluntarioa

Rafaela María Zentroa nire bigarren etxea da, ongi etorria, maitatua, babestua eta pertsona gisa bete-betea sentitzen naizen lekua. Pozez, ilusioz, lanerako grinaz betetako familia txiki bat, eta batez ere, bihotz handiko jendez betea.

Rafaela María benetako pertsonaia da; familia txiki honekin goizetan lanera joatea ikusgarria da.

Itxaso
Zentroko teknikariak

Rafaela Maria zentroa nire familia handia da, nire arazo handi eta txiki guztietan lagundu baitidate. Bihotz-bihotzez, zorretan nago haiekin. Eskerrik asko guztiagatik.

Manuel
Enplegu-zentro bereziko langilea

Gure alaba egunero etxera itzultzen denean gauza garrantzitsuak egin dituela eta gauza horiek baliagarriak direla sinetsita dagoela transmititzen digula ikustea da zentroak eskain diezagukeen oparirik onena. Garapen pertsonalaz eta ikaskide-talde batekin duen harremanaz gainera, espazio propio bat lortzen du, zeina berak propiotzat hartzen baitu eta pertsona gisa aberastu egiten baitu. Hura zoriontsu ikusteak zoriontsu egiten gaitu gu ere.

Marta
Zentroko erabiltzaile baten ama

Rafaela Maria zentroa ezagutzea mugarri bat izan da nire bizitzan. Zentroa ikustera joaten den inor ez da epel geratzen.

Rafa, enpresaria
ACERMASen Zuzendaritza Batzordeko kidea

Rafaela Maria zentroan boluntario gisa izan dudan esperientzia ikaragarria izan da; errepikatu egin dut eta espero dut berriro egitea. Zentro dinamikoa eta dibertigarria da. Heltzen lagundu dit, eta konturatu naiz badirela arazo handiagoak dituzten pertsonak, hobetzeko eta beren etorkizunaren alde gogor lan egiten dutenak. Zentroa zoragarria da, eta babestua eta oso pozik sentitu izan naiz beti.

Gabriela
Rafaela Maria zentroko boluntarioa

Profesionalen taldeak harrera bero eta errespetuzkoa egin zidan, prozesu osoan zehar laguntza pertsonalizatua eta testuinguruan egokitua diseinatuz. Lan-ingurunea nabarmentzen da, ikuspegi integrala ahalbidetzen duen koordinazio interprofesionalarekin; eta erabiltzaile bakoitzaren bizitza-istoriotik abiatuta metodologia bat erabiltzen da, lanbide-ibilbide indibidualizatuak eta pertsona bakoitzari egokitutako laguntza definitzeko.

Noemí
Psikologiako graduko praktiketako langileak

Enpresek berek nahi dituzten lanak egiteko kontratatu gaitzakete. Baina, horrez gain, gizarte-erantzunkidetasun korporatiboko estrategietan ere lagundu diezaiekegu, honela:

Beren langileek GEK jardunaldiak egin ditzakete gure zentroan.
Beren instalazioetara bisitak antola ditzakete.
Prestakuntza-saioetan parte hartu dezakete.
Gizarte- edo ingurumen-ekimenak partekatu ditzakete.

Zuen esanetara gaude: bisitatu zentroa, ezagutu gure taldea, eta bertatik bertara ikusi nola egiten dugun lan.

Bai, jakina. Atsegin handiz hartzen dugu zu bezalako jendea, laguntzeko gogoz dagoena. Boluntariotza gure proiektuaren funtsezko zati bat da.

Boluntarioek lagun egiteko jardueretan parte hartu dezakete, tailerretan edo jantokian lagundu dezakete… betiere zentroko profesional-taldearen koordinaziopean.

Boluntarioak eskaintzen duen denbora bere prestasunaren arabera dago, eta malgua da erabat. Noizbehinkako jardueretan parte hartu dezake, edo modu jarraituan lagundu.

Eskertzen dizugu ahal duzun denbora eskaintzea, eta zure nahietara egokituko gara, ahal den guztietan.

Unibertsitateekin, lanbide-heziketako zentroekin eta beste erakunde batzuekin elkarlanean aritzen gara, eta hainbat espezialitatetako praktiketako ikasleak hartzen ditugu.

Praktikak egin ahal izateko, ezinbestekoa da lankidetza-hitzarmen bat sinatzea zentroaren eta zure hezkuntza-erakundearen artean.

Praktikaldien iraupena zure ikasketa-zentroarekin sinatutako hitzarmenaren araberakoa izango da: aste batzuk, hilabete batzuk…

Praktikak egiteko plazen kopurua mugatua da; izan ere, behar bezala artatuko zaitugula bermatu nahi dugu. Aldez aurretik galdetzea gomendatzen dizugu, plazak badaudela ziurtatzeko.